شروط الاستخدام

الحساب

• كل حساب لتلميذ واحد برك. ممنوع تعطي الحساب ولا تبيعو لواحد آخر.
• الحساب يخدم على تلفون واحد وكمبيوتر واحد. إذا بدلت الجهاز راسلنا نفتحوهولك.
• انت مسؤول على كل واش يصرا من حسابك.

الاشتراك

المنصة خاصة بالتلاميذ المشتركين. الحساب يتفتح من طرف الفريق بعد ما تراسلنا في واتساب.

الاشتراك فيه: الدروس بالفيديو، الكتب PDF، الاختبارات الأسبوعية والتصحيح، الكويزات، سؤال اليوم، الدراسة بالوقت، الـ XP والترتيب، والمتابعة في واتساب.

الدفع يتم مع الفريق عبر واتساب، والاشتراك يتفعّل يدوياً للمدة اللي اتفقنا عليها. كي تفوت المدة يتوقف الدخول حتى تجدّد، ونتائجك ما تتمسحش.

المحتوى

• كل الفيديوهات، الكتب، التمارين والاختبارات ملك لـ SmartStudyDZ والأساتذة.
• ممنوع التحميل، التصوير، التسجيل، النشر ولا إعادة البيع بأي طريقة.
• أي محاولة سرقة ولا مشاركة تخلي الحساب يتوقف بلا تعويض.

النقاط والترتيب

أي غش ولا تلاعب بالنقاط ولا بالترتيب يخلي النقاط تتمسح والحساب ممكن يتوقف.

التعديلات

نقدرو نبدلو هذي الشروط، والتاريخ تاع آخر تحديث يبان تحت.