سياسة الخصوصية

المعلومات اللي نجمعوها

كي تفتح حساب بـ Google ناخذو من عند Google غير: اسمك، الإيميل تاعك، ورقم تعريف الحساب. ما ناخذوش كلمة السر تاع Google وما نوصلوش لحاجة أخرى في حسابك.

• المعلومات اللي تعطيهالنا انت: السنة، الشعبة، الولاية وعام الامتحان.
• النشاط في المنصة: الدروس اللي تشوفها، الكويزات، الإجابات، صور أوراق الاختبارات، العلامات والترتيب.
• معلومات تقنية: نوع الجهاز والمتصفح وعنوان IP، باش نحميو الحساب من المشاركة (تلفون واحد + كمبيوتر واحد).

علاش نستعملوها

• باش نفتحولك الحساب ونخليوك تدخل.
• باش نحضرولك المحتوى حسب سنتك وشعبتك.
• باش نصححو الاختبارات ونحسبو النتائج، الـ XP والترتيب.
• باش نحميو الدروس من السرقة والمشاركة.
• باش نبعثولك إشعارات على المنصة (تقدر توقفها).

شكون يشوفها

ما نبيعو حتى معلومة لحتى واحد.

في الترتيب يبان الاسم برك، ما يبانش الإيميل ولا الهاتف.

نستعملو خدمات تقنية باش نخدمو المنصة: الاستضافة، Bunny لبث الفيديوهات، وGoogle لتسجيل الدخول. هذو يشوفو غير اللي لازم باش يخدمو.

الحماية

المعلومات محفوظة في سيرفر محمي، وكلمات السر (للحسابات القديمة) محفوظة مشفرة.

حقوقك

تقدر تطلب نسخة من المعلومات تاعك، ولا تصليحها، ولا حذف حسابك نهائياً. ابعثلنا على الإيميل ولا الواتساب ونردو عليك في أقل من 7 أيام.

التلاميذ القاصرين

المنصة موجهة لتلاميذ المتوسط والثانوي. إذا عمرك أقل من 18 عام، استعمل المنصة بعلم الوالدين تاعك.